कल्याण – एका तरुणाची हत्या केल्याप्रकरणी कल्याण गुन्हे शाखेने दोघांना अटक केली आहे. शैफ उर्फ साहिल नसीर शेख आणि विदयासागर तुलसीधरन मुर्तील उर्फ आण्णा अशी या दोघांची नावे आहेत. तर संदिप राठोड असे हत्या करण्यात आलेल्या तरुणाचे नाव आहे.
कल्याण पूर्वेतील कोळशेवाडी पोलीस ठाणे हद्दीत १०० फुटी रोड, हाजीमंलग रोडलगत संदीप राठोडची पाच जणांनी चॉपरने हत्या केली असल्याबाबत कोळसेवाडी पोलीस ठाण्यात गुन्हा दाखल करण्यात आला होता. त्यानुषंगाने पोलिसांनी तपास करून मिळालेल्या माहितीच्या आधारे नाशिकमधील इगतपुरी रेल्वे स्टेशनवर सापळा रचून दोघांना अटक केली. त्यांच्याकडे केलेल्या चौकशीत पूर्वी झालेल्या भांडणातून पुर्व वैमनस्य असल्याने त्यांनी साथीदारांसोबत मिळून संदीपची हत्या केली असल्याचे सांगितले. दोघांना पुढील कारवाई करीता कोळसेवाडी पोलीस ठाण्याच्या ताब्यात देण्यात आले आहे.
सदरची यशस्वी कामगिरी आशुतोष डुंबरे, पोलीस आयुक्त ठाणे शहर, पंजाबराव उगले, अपर पोलीस आयुक्त, गुन्हे शिवराज पाटील, पोलीस उप आयुक्त, गुन्हे व निलेश सोनावणे सहा. पोलीस आयुक्त, (शोध १) गुन्हे ठाणे शहर यांच्या मार्गदर्शनाखाली कल्याण गुन्हे शाखेचे वरिष्ठ पोलीस निरीक्षक नरेश पवार, सपोनि/संदिप सव्हाण, सपोनि संतोष उगलमुगले, सहा. पो. उपनिरीक्षक/दत्ताराम भोसले, पोहवा/रमाकांत पाटील, पोहवा/अनुष कामत, पोहवा/प्रशांत वानखेडे, पोहवा/विलास कडु, पोहवा/गोरखनाथ पोटे, पोना/दिपक महाजन, पोना/सचिन वानखेडे, पो.कॉ. मिथुन राठोड, पो.कॉ गुरुनाथ जरग, पो.कॉ. रविंद्र लांडगे, बालक पोहवा/अमोल बोरकर यांनी केली आहे.
