मुंबई – वंचित बहुजन आघाडीत प्रवेश केलेले पुण्याचे माजी नगरसेवक वसंत मोरे लवकरच उद्धव ठाकरे गटात प्रवेश करणार आहेत. ९ जुलैला आपण ठाकरे गटात प्रवेश करणार असल्याची माहिती स्वतः वसंत मोरेंनी दिली आहे.
वसंत मोरे यांनी मातोश्रीवर शिवसेना ठाकरे गटप्रमुख उद्धव ठाकरे यांची भेट घेतली. भेटीनंतर स्वतः वसंत मोरेंनी उद्धव ठाकरे गटात प्रवेश करणार असल्याचे सांगितले.
९ जुलै रोजी माझा पक्षप्रवेश सोहळा पार पडणार आहे. मी वंचितमध्ये गेलो होतो मात्र मतदारांनी मला स्विकारलं नाही. मी शिवसेनेचा शाखा प्रमुख होतो, माझा परतीचा प्रवास शिवसेनेकडे होत आहे. शिवसेनेकडून महानगरपालिकेत कडवे आव्हान देऊ, असे वसंत मोरे यांनी सांगितले.
