navi mumbai – चैन स्नॅचिंग करणाऱ्या दोघांना रबाळे पोलिसांनी अटक करून तीन गुन्हयांची उकल करत त्यांच्याकडून २,९०,०००/- रुपयांचा मुद्देमाल हस्तगत केला आहे. वसिम नुर मोहमद शेख आणि नोमान इरफान अहमद शेख अशी या दोघांची नावे आहेत.
एक महिला घणसोली नाल्याच्या ब्रिजवर मॉर्निंग वॉक करून घरी जात असताना मोटरसायकलवरून आलेल्या दोघांनी या महिलेच्या गळयातील १६ ग्रॅम वजनाची सोन्याची चैन जबरीने खेचून चोरी करून नेली असल्याबाबत दिलेल्या तक्रारीवरून रबाळे पोलीस ठाण्यात गुन्हा दाखल करण्यात आला होता.
सदर गुन्ह्याच्या अनुषंगाने पोलिसांनी तपास करून मिळालेल्या माहितीच्या आधारे मुंब्र्यातील अमृतनगर परिसरातून एकास अटक केली. त्याच्याकडे केलेल्या चौकशीनंतर दुसऱ्या आरोपीला देखील अटक करून पोलिसांनी त्यांच्याकडून मोटरसायकल, दागिने असा एकूण २,९०,०००/- रुपयांचा मुद्देमाल हस्तगत केला. तसेच जबरी चोरीचे तीन गुन्हे उघडकीस आणेल.
