नेपाळ – नेपाळमध्ये बसचा भीषण अपघात झाला असल्याची माहिती समोर आली आहे. नेपाळच्या मार्स्यांगडी नदीत महाराष्ट्रातील प्रवाशांची बस कोसळली. ही बस पोखरा येथून काठमांडूला निघाली होती. त्यावेळी बस थेट तनहून जिल्ह्यातील मार्स्यांगडी नदीत कोसळली.
घटनेत अंदाजे २५ ते २६ जणांचा मृत्यू झाला असल्याची प्राथमिक माहिती आहे. तर अनेकजण जखमी झाले आहेत. बसमध्ये वाहक आणि चालकांसह एकूण ४३ जण होते अशी माहिती मिळाली आहे. त्यापैकी बहुतांश प्रवासी महाराष्ट्रातील जळगाव जिल्ह्यातील आहेत.
हि बस उत्तर प्रदेशातील गोरखपूर इथली नोंदणीकृत आहे. तेथून ती प्रवाशांना घेऊन नेपाळकडे निघाली होती. दरम्यान, बचावकार्य सुरु आहे.
