कोर्टाने फरार घोषित केलेल्या आरोपींना कल्याण क्राईम ब्रांच पोलिसांनी सापळा रचून केली अटक…
kalyan – कोर्टाने फरार घोषित केलेल्या दोन आरोपींना कल्याण क्राईम ब्रांच युनिट ३ पोलिसांनी अटक केली आहे. विनोद जगन्नाथ कांबळे आणि नागसेन उर्फ नागेश जगन्नाथ कांबळे अशी या दोघांची नावे आहेत.
मिळालेल्या माहितीनुसार, महात्मा फुले चौक पोलीस ठाणे गुन्हा रजि. नं. 411/2016 भा.द.वि. कलम 324, 34 या गुन्हयातील आरोपी विनोद जगन्नाथ कांबळे आणि नागसेन उर्फ नागेश जगन्नाथ कांबळे ते मिळून येत नव्हते. दरम्यान, या आरोपींना हजर होणे करीता न्यायदंडाधिकारी, प्रथम वर्ग पहिले न्यायालय, कल्याण यांनी दि. 17/01/2023 रोजी जाहिरनामा काढलेला होता.
त्यानुषंगाने पोलीस या दोन आरोपींचा शोध घेतला असता, हे दोघे काल्हेर भिवंडी येथे राहत असल्याची गुप्त माहिती पोशि गोरक्ष शेकडे यांना मिळाली. मिळालेल्या माहितीच्या आधारे सदर ठिकाणी सापळा रचून पोलिसांनी विनोद जगन्नाथ कांबळे आणि नागसेन उर्फ नागेश जगन्नाथ कांबळे या दोघांना काल्हेरगाव हल्दीराम गोडाऊनच्या मागे, सीजी पार्क बिल्डींगजवळ ताब्यात घेतले आणि सदर दोघांना पुढील कार्यवाहीकामी महात्मा फुले चौक पोलीस ठाण्यात हजर केले.
सदरची यशस्वी कामगिरी कल्याण क्राईम ब्रांच युनिट ३ चे वरिष्ठ पोलीस निरीक्षक अजित शिंदे यांच्या मार्गदर्शनाखाली पोलीस उपनिरीक्षक किरण भिसे, सहा.पोलीस उप निरीक्षक दत्ताराम भोसले,पोहवा.विजय जिरे, विलास कडु, गोरक्ष शेकडे, दिपक महाजन,गुरुनाथ जरग, गणेश हरणे, पांडुरंग भांगरे, सचिन भालेराव, सतीश सोनवणे यांनी केली आहे.
