ambernath – धावत्या स्कूल व्हॅनमधून विद्यार्थी खाली पडल्याची घटना अंबरनाथमध्ये घडली आहे. या घटनेत २ विद्यार्थी रस्त्यावर पडले आणि जखमी झाले. मिळालेल्या माहितीनुसार, नेताजी मार्केट परिसरात हि घटना घडली.
फातिमा शाळेच्या विद्यार्थ्यांना घेऊन एक खासगी स्कूल व्हॅन विमको नाक्याच्या दिशेने जात होती. त्यावेळी नेताजी मार्केट परिसरात अचानक या व्हॅनच्या डिक्कीचा दरवाजा उघडला आणि त्यातून २ विद्यार्थी रस्त्यावर पडले. पण तरीही व्हॅन चालकाला हे कळले नाही. दरम्यान, मागून येणाऱ्या एका रिक्षाचालकाने हे पाहून रिक्षा थांबवली आणि त्या विद्यार्थ्यांना उचलले. त्यानंतर विद्यार्थ्यांना रुग्णालयात नेत त्यांच्यावर उपचार करण्यात आले.
दरम्यान, या प्रकरणामुळे पालकांमधून संताप व्यक्त होत आहे.
