आंतराष्ट्रीय – कुस्ती खेळातील महाराष्ट्राचा स्टार कुस्तीपटू तीन वेळा ‘महाराष्ट्र केसरी’ विजेते आणि अप्पर पोलीस अधीक्षक विजय नथ्थू चौधरी यांनी कॅनडा येथे झालेल्या वर्ल्ड पोलीस अँड फायर गेम्समध्ये कुस्ती या खेळामध्ये भारताचे नाव उंचावले आहे. त्यांनी भारताला सुवर्ण पदक मिळवून दिले आहे.
वर्ल्ड पोलीस अँड फायर गेम्स हे जागतिक स्तरावर पोलीस दलासाठी ऑलिम्पिक मानले जाते. अत्यंत प्रतिकूल परिस्थितीत चौधरी यांनी उपांत्य फेरीत त्यांच्या सर्वात कठीण प्रतिस्पर्ध्याचा सामना केला. त्यांचा सामना गतविजेत्या जेसी साहोटाशी झाला. अटीतटीच्या सामन्यात चौधरी यांनी साहोताचा 11-08 अशा फरकाने पराभव केला.अंतिम सामन्यात, विजय चौधरी यांनी अमेरिकेच्या जे. हेलिंगर वर 10 गुणांची मोठी आघाडी घेत अंतिम सामना 11-01 ने जिंकत भारताला 125 kg मध्ये सुवर्ण पदक मिळवून दिले.
या विजयामुळे विजय चौधरी आता जागतिक चॅम्पियनशिपमध्ये देशासाठी सुवर्णपदक जिंकून भारताचे नवीन ‘रेसलिंग सेंसेशन’ बनले आहेत.
