thane – कल्याण, ठाणे, भिंवडी, बदलापूर, अंबरनाथ परिसरात घरफोडी चोरी करणाऱ्या सराईत चोरट्याला कल्याण गुन्हे शाखेने अटक केली आहे. लक्ष्मण शिवशरण असे याचे नाव असून, पोलिसांनी त्याच्याकडून ५४,२०,१८०/- रूपये किंमतीचा मुद्देमाल हस्तगत करून एकूण ५० घरफोडी चोरीचे गुन्हे उघडकीस आणले आहेत.
विष्णुनगर पोलीस ठाण्यातील दाखल गुन्हयाचा तपास गुन्हे शाखा घटक ३ कल्याणकडून करण्यात येत असताना सी.सी.टी.व्ही. फुटेजच्या आधारे पोलिसांनी लक्ष्मण शिवशरण भिवंडीतील कशेळी गावातून सापळा रचून ताब्यात घेतले. त्याच्याकडे केलेल्या चौकशीत त्याने दाखल गुन्ह्याची कबुली दिली तसेच चोरी केलेले सोन्याचे दागिने सुकेश कोटीयन यांच्याकडे विक्रीकरीता दिले असल्याचे सांगितल्याने सदर प्रकरणी सुकेश कोटीयन यालाही अटक करण्यात आली आहे.
तसेच लक्ष्मण शिवशरण याने घरफोडी चोरीचे एकूण ५० गुन्हे केले असल्याबी कबुली दिली असून, त्याच्याकडून घरफोडी करून चोरी केलेल्या गुन्हयातील ५३,४१,२८०/- रूपये किमंतीचे ६६७ग्रॅम, ६६० मी.ली. वजनाचे सोन्याचे दागिने व ७८,९००/- रूपये रोख असा एकूण ५४,२०,१८०/- रूपये किंमतीचा मुद्देमाल हस्तगत करून एकूण ५० घरफोडी चोरीचे गुन्हे उघडकीस आणण्यात पोलिसांना यश आले आहे.
सदरची यशस्वी कामगिरी आशुतोष डुंबरे, पोलीस आयुक्त, ठाणे शहर, पंजाबराव उगले, अपर पोलीस आयुक्त, गुन्हे, अमरसिंह जाधव, पोलीस उप आयुक्त, गुन्हे व शेखर बागडे, सहा. पोलीस आयुक्त, शोध १, गुन्हे शाखा, ठाणे शहर यांच्या मार्गदर्शनाखाली कल्याण गुन्हे शाखेचे वरिष्ठ पोलीस निरीक्षक अजित शिंदे, सपोनि/संतोष उगलमुगले, पोउपनि/विनोद पाटील, पोलीस अमलंदार दत्ताराम भोसले, अशोक पवार, बालाजी शिंदे, आदिक जाधव, विलास कडु, अनुप कामत, प्रशात वानखेडे, गोरखनाथ पोटे, प्रविण बागुल, उल्हास खंडारे, सुधिर कदम, वसंत चौरे, सचिन वानखेडे, दिपक महाजन, गुरूनाथ जरग, मिथुन राठोड, विजेंद्र नवसारे, विनोद चन्ने, गोरक्ष शेकडे, सतिश सोनवणे, महिला पोलीस अंमलदार ज्योत्स्ना कुंभारे, मिनाक्षी खेडेकर, मंगल गावित चासपोउपनिरी अमोल बोरकर यांनी केलेली आहे.
