dombivali – चॉपर घेऊन दहशत माजवणाऱ्या दोघांना कल्याण गुन्हे शाखेने अटक करून १ चॉपर आणि मोटार सायकल जप्त केली आहे. डोंबिवली पूर्वेतील एसबी शेलार नाक्या जवळ दोन तरुण एका टू व्हीलर गाडीवर बसून त्यातील मागे बसलेल्या इसमाजवळ मोठा धारदार चॉपर असून, ते दोघे दहशत निर्माण करत फिरत असल्याची माहिती कल्याण गुन्हे शाखेचे सहा.पोउपनिरी. दत्ताराम भोसले आणि पो.शि.सतीश सोनवणे यांना त्यांच्या गुप्त बातमीदारामार्फत मिळाली होती.
मिळालेल्या माहितीच्या आधारे कल्याण गुन्हे शाखेच वरिष्ठ पोलीस निरीक्षक अजित शिंदे यांच्या मार्गदर्शनाखाली पोलीस पथकाने सदर ठिकाणी सापळा रचून विशाल मुकेश उर्फ संदीप जेठा आणि कुणाल इतवारी बोध या दोघांना अटक करून त्यांच्याकडून एक चॉपर जप्त केला. तसेच त्यांच्यावर डोंबिवली पोलीस ठाण्यात गुन्हा दाखल केला.
सदर दोन्ही आरोपी हे डोंबिवली पोलीस स्टेशनच्या रेकॉर्डवरील रॉबर चोर म्हणून गुन्हेगार आहे. याप्रकरणी आरोपीकडून एकूण 2,00,530/- (दोन लाख पाचशे तीस) रुपये किंमतीची मोटर सायकल देखील जप्त करण्यात आली असून, दोघांना डोंबिवली पोलीस ठाण्यात पुढील कारवाईसाठी तब्यात देण्यात आले आहे.
सरची यशस्वी कामगिरी वरिष्ठ पोलीस निरीक्षक अजित शिंदे यांच्या मार्गदर्शनाखाली सहा.पोउपनिरी दत्ताराम भोसले, पोशि.सतीश सोनवणे, प्रशांत वानखडे, विलास कडू, अनुप कामत, सचिन वानखडे, विजेंद्र नवसारे, वसंत चौरे, ज्योत्स्ना कुंभारे, मीनाक्षी खेडकर यांनी केली आहे.
