मुंबई – गुन्हे शाखेने १ कोटींचा गुटखा जप्त करून ३ जणांना अटक केली आहे. इब्राहिम मैनुद्दीन इनामदार, संतोषकुमार रामसिंहासन सिंग आणि कलीम वाहिद हसन खान अशी या तिघांची नावे आहेत.
मिळालेल्या माहितीच्या आधारे गुन्हे शाखा कक्ष ९ पोलिसांनी दा. नौ. पोलीस ठाण्याच्या हद्दीतून ७८,१,२००/- रु. किंमतीचा अवैध गुटखा व त्याची वाहतूक करण्यासाठी वापरण्यात येणारा ट्रक जप्त करत एकास अटक केली. त्यानंतर त्याच्याकडे केलेल्या चौकशीतून कांदिवली येथे पार्क केलेल्या एका टेम्पोमधून रू. २८,१७,६००/- किंमतीचा गुटखा व सदर टेम्पो जप्त करून दोघांना अटक केली.
पोलिसांनी केलेल्या कारवाईत १,६,१८,८००/-रु. किंमतीचा प्रतिबंधीत गुटखा आणि ३३,००,०००/- रु. किंमतीचे २ वाहने असा एकूण १,३९,१८,८००/- रु. किंमतीचा मुद्देमाल जप्त केला.
