डोंबिवली – घरफोडी करणाऱ्यास डोंबिवली पोलीसांनी अटक करून १ लाखांचा मुददेमाल हस्तगत केला. आकाश केदारे असे याचे नाव आहे. डोंबिवली पूर्वेतील आयरेगावातील एका घरातून सोन्या चांदीचे दागिने, रोख रक्कम आणि मोबाईल असा एकूण १,२०,५००/- रु. चा. मुद्देमाल चोरी झाला असल्याबाबत डोंबिवली पोलीस ठाण्यात गु.र.क्र. ४६१/२०२३ कलम ३८० भादंवि प्रमाणे गुन्हा दाखल करण्यात आला होता.
त्याअनुषंगाने पोलिसांनी तपास करून मिळालेल्या माहितीच्या आधारे आयरेगावातील ज्योतीनगर परिसरातून आकाशला अटक केली. तसेच त्याच्याकडून एकूण १,१०,५००/- रूपये किंमतीचा मुददेमाल हस्तगत केला.
सदरची यशस्वी कामगिरी पोलीस उप आयुक्त, परिमंडळ ३, कल्याण सचिन गुंजाळ, सहाय्यक पोलीस आयुक्त, डोंबिवली विभाग सुनिल कुराडे, वरिष्ठ पोलीस निरीक्षक नितीन गिते, पोलीस निरीक्षक (गुन्हे) खापरे यांच्या मार्गदर्शनाखाली डोंबिवली पोलीस ठाणे गुन्हे प्रकटीकरण पथकाचे सपोनि योगेश सानप, पोहवा विशाल वाघ, पोहवा प्रशांत सरनाईक, पो.ना. दिलीप कोती. पोअ देवीदास पोटे, पोअ नितीन सांगळे यांनी केली आहे.
