कल्याण डोंबिवली महापालिकेचा अर्थसंकल्प सादर…

kalyan – कल्याण डाेंबिवली महापालिकेचा यंदाचा अर्थसंकल्प सादर करण्यात आला आहे. ३ हजार ३६१ कोटी रुपये खर्चाचा अर्थसंकल्प सादर करण्यात आला. या आर्थसंकल्पास महापालिका आयुक्त डॉ. इंदूराणी जाखड यांनी मान्यता दिली आहे. अर्थसंकल्पात कोणतीही करदर वाढ करण्यात आली नसल्याने नागरिकांना दिलासा मिळाला आहे.

कोणतीही करदर वाढ नसलेले कल्याण डोंबिवली महानगरपालिकेचे रक्कम रु. 2642.69 कोटी जमा व रक्कम रु. 1915.60 कोटी खर्चाचे सन 2024-25 चे सुधारीत अंदाजपत्रक आणि महापालिकेचे सन 2025-26 चे रक्कम रु. 3361.25 कोटी जमा व रक्कम रु. 3361.00 कोटी खर्चाचे आणि रक्कम रु. 25 लक्ष शिल्लकेचे मुळ अंदाजपत्रक महापालिका आयुक्त व प्रशासक डॉ. इंदुराणी जाखड यांच्याकडून सादरीकरण करुन मंजूरी देण्यात आली.

शहरातील नागरीकांना उत्तम दर्जाच्या मुलभूत सोयी सुविधा पुरविण्यावर भर देणाऱ्या व नागरीकांवर कोणत्याही प्रकारच्या कर वाढीचा बोजा न टाकणाऱ्या सन 2025-26 चे अंदाजपत्रकाचे सादरीकरण!

• यामध्ये प्रामुख्याने मालमत्ता करापोटी सन 2025-26 मध्ये रु. 600.00 कोटी उत्पन्न अपेक्षित आहे.
• पाणी पट्टी वसुलीच्या विविध उपाय योजना राबवून सन 2025-26 मध्ये रु. 101.00 कोटींचे उत्पन्न अपेक्षित धरले आहे.
• शासनाकडून जीएसटी अनुदान व मुद्रांक शुल्का पोटी रक्कम रु. 483.83 कोटी अनुदान अपेक्षित धरले आहे.
• शासकीय अनुदाने व अंशदाने या अंतर्गत प्रार्थमिक शिक्षण वेतन अनुदानासह रक्कम रु. 133.59 कोटी अनुदान अपेक्षित धरण्यात आले आहे.
• भांडवली उत्पन्नामध्ये शासनाकडून मुलभूत सोयी-सुविधा, खासदार-आमदार स्थानिक विकास निधी, पंधरावा वित्त आयोग, एमएमआरडीए अनुदान, स्वच्छ भारत मिशन तसेच विविध शासकीय अनुदानातून विविध योजनांकरीता सन 2025-26 मध्ये रु. 787.83 कोटी अनुदान अपेक्षित धरले आहे.
• विभागनिहाय खर्चाच्या तरतुदी अंतर्गत घनकचरा व्यवस्थापनाकरीता सन 2025-26 मध्ये महसुली खर्चा अंतर्गत रु. 135.31 कोटी व भांडवली खर्चा अंतर्गत रु. 47.00 कोटीची तरतुद करण्यात आली आहे. रस्ते सफाई यांत्रिकी करणाच्या माध्यमातून करण्याच्या दृष्टीकोनातून 4 पॉवर स्वीपर वाहनांची खरेदी करण्यात आली असून, त्यात धुळ साफ करणे व रस्त्यालगत पडलेला कचरा यांत्रिक पध्दतीने साफ करणे इ. कामे केली जातात. महापालिकेच्या 7 प्रभागातील कचरा संकलन, वाहतुक आणि रस्ते साफसफाई करीता महापालिकेमार्फत DBFOT (Design Build Finance Operate Transfer) तत्वावर ठेकेदाराची नियुक्ती करण्यात आलेली असून, यामध्ये Tipping Fee Model ऐवजी Cost to Service मॉडेलवर निर्धारीत करण्यात आलेल्या स्वच्छता मानांकनानुसार करण्यात येणार आहे. त्यामुळे मानांकनाची पूर्तता न झाल्यास ठेकेदारास दंड आकारण्यात येणार असल्याने, कचरा संकलन व वाहतुक कामात गुणवत्ता राखणे शक्य होणार आहे.
• 100 दिवस कृती आराखडा अंतर्गत वर्ग 1 ते 4 मधील 3232 अधिकारी/कर्मचारी यांना आश्वासित प्रगती योजनेचा लाभ देणे, अत्यावश्यक सेवेतील पदे सरळसेवेने भरणे, 27 गावातील 499 कर्मचाऱ्यांना महापालिकेत समावून घेणे इ. कामे प्रस्तावित असून, याकरीता अंदाजे रु. 80.00 कोटी वार्षिक खर्च अपेक्षित आहे.
• मा.मुख्यमंत्री 100 दिवस कृती आराखडा अंतर्गत, Ease of Leaving अंतर्गत सर्व नागरी सुविधा केंद्रांचे अपग्रेडेशन करण्यात येणार आहे.
• महापालिकेच्या इमारतीत दुसऱ्या मजल्यावर “संविधान थीम बेस प्रतिक्षालय” बनविण्याचे नियोजन आहे. ज्याचा फायदा महापालिका कर्मचाऱ्यांना व नागरीकांना होईल.
• शहरातील सर्व रस्त्यांच्या देखभाल व दुरुस्तीसाठी एकुण रु. 30.00 कोटी निधी उपलब्ध करुन देण्यात आला आहे.
• कल्याण (पूर्व) येथे “ड” प्रभाग कार्यालयाजवळ भारतरत्न डॉ.बाबासाहेब आंबेडकर पुर्णाकृती पुतळा व ज्ञान केंद्राचे काम पुर्ण करण्यात आले असून, याकामी रु. 16.85 कोटी इतका खर्च येत असून, त्यापैकी रक्कम रु. 9.00 कोटी शासनाकडून मंजूर झाला आहे.
• महापालिका क्षेत्रातील उद्याने व मैदाने यांची निगा व देखभालीसाठी एजन्सीची नियुक्ती करण्यात आली असून, 65 उद्यानांचा व 17 मैदानांचा समावेश असून, त्याकरीता 3 वर्षांसाठी रक्कम रु. 17.00 कोटी खर्च अपेक्षित आहे. मौजे-बारावे येथे सुसज्ज बगिचा विकसित करण्यात येत असून, त्यामध्ये ऑटीझम विलेज, किड-झी इ. सुविधा पुरविण्यात येणार आहेत. मांडा-टिटवाळा (पूर्व) येथे 3 एकराच्या क्षेत्रफळाच्या भूखंडावर हरीतक्षेत्र व सुसज्ज बगिचा तयार करण्यात येत आहे.
• दिव्यांग कल्याण व पुर्नवसनाकरीता सन 2025-26 मध्ये रु. 19.10 कोटीची तरतुद करण्यात आली आहे.
• शहरातील बेघरांसाठी महापालिका 2 निवारा केंद्र चालवित असून, वृद्धापकाळाने जर्जर झालेल्या बेघरांकरीता कचोरे येथे वृद्धाश्रम उभारणे व चालविणे याकरीता रु. 50.00 लक्ष तरतूद करण्यात आली आहे.
• महिला व बालकल्याण विभागाअंतर्गत महिला व बालकांच्या सुरक्षिततेसाठी पोलीस उपआयुक्त परिमंडळ-3 मधील महिला पोलीसांच्या दामिनी पथकाकरीता 16 स्कुटी वाहने भेट देण्यात येणार आहेत.
• महापालिका कार्यक्षेत्रात काम करणाऱ्या नोकरदार महिलांकरीता महिला वसतीगृह उभारण्याचे प्रस्तावित असून, त्याचा प्रस्ताव शासनाकडे सादर करण्यात आला आहे.
• तसेच महिलांसाठी कायदेशीर सल्ला देण्यासाठी समपुदेशन केंद्र सुरु करण्यात येणार आहे. याकरीता महसुली व भांडवली कामांकरीता रक्कम रु. 14.16 कोटींची तरतुद करण्यात आली आहे.
• महापालिका शाळांतील व्यवस्थापन व शिक्षणात नाविन्यता आणण्यासाठी आचार्य विनोबा भावे शिक्षक सहाय्यक कार्यक्रम राबविण्यात आला असून, नाविन्यपूर्ण तंत्रज्ञान अभ्यासक्रमाचा भाग म्हणून “सोलर ऑपरेटेड रोबोटीक्स कोडींग आर्टीफिशियल इंन्टीलीजन्स प्रयोगशाळा” ही सुविधा विद्यार्थ्यांना पुरविण्याकामी रु. 3.00 कोटी मंजूर करण्यात आले आहेत.
• महापालिकेच्या शाळांची दुरुस्ती, रंगकाम, फर्निचर इ. बाबींकरीता रु. 19.41 कोटी तसेच राज्य शासन व महापालिका यांच्या माध्यमातून आदर्श शाळा उभारण्याकरीता रक्कम रु. 8.20 कोटींची तरतूद करण्यात आली आहे.
• शक्तीधाम कल्याण (पूर्व) येथे 30 खाटांचे प्रसुतीगृह कार्यान्वित करण्यात आले असून, शास्त्रीनगर सामान्य रुग्णालय, डोंबिवली (पश्चिम) येथे प्रत्येकी 10 बेड क्षमतेचे एनआयसीयु व पीआयसीयु सुरु करण्यात आले आहे.
• कैलास गार्डन, कल्याण (पश्चिम) येथे मल्टिस्‍पेशालीटी हॉस्पिटल उभारणे प्रस्तावित असून, वसंत व्हॅली प्रसुतीगृह बाह्य यंत्रणाद्वारे चालविण्यासाठी निविदा प्रसिध्द करण्यात आली आहे. या सर्वांसाठी महसुली खर्चा अंतर्गत रक्कम रु. 53.40 कोटी तरतूद करण्यात आली आहे.
• कल्याण डोंबिवली महानगरपालिकेच्या 4 नागरीक सुविधा केंद्रांच्या बळकटीकरणाचे काम प्रस्तावित करण्यात आले आहेत. या अंतर्गत सर्व नागरीक सुविधा केंद्रांची एकसारखी अंतर्गत रचना (युनिक थीम) करण्यात येणार आहे.
• आरोग्य सुविधा, महिलांसाठी सुविधा, नागरीकांसाठी अद्यावत नागरीक सुविधा केंद्रे, स्वच्छता, उद्याने या सर्वकष‍ बाबींचा अंतर्भाव या वर्षीच्या अंदाजपत्रकात करण्यात आला आहे.