मुंबई – वर्सोवा बीचवर झोपलेल्या दोघांना एका कारने चिरडल्याची घटना घडली असून, या अपघातात एकाच मृत्यू झाला आहे तर, एक व्यक्ती गंभीर जखमी झाला आहे. याप्रकरणी पोलिसांनी गुन्हा दाखल करत सदर दोघांना नागपूरमधून अटक केली आहे. निखिल जावडे आणि शुभम डोंगरे अशी या दोघांची नावे आहेत.
मिळालेल्या माहितीनुसार, रिक्षाचालक असलेला गणेश यादव आणि त्याच्याबरोबर बबलू श्रीवास्तव हे दोघे अंधेरी-वर्सोवा बीचवर झोपले होते. त्यावेळी भरधाव कारने या दोघांना चिरडलं. या अपघातात गणेश यादव याचा मृत्यू झाला तर बबलू श्रीवास्तव गंभीर जखमी झाला.
दरम्यान, घटनेनंतर कारसह दोघांनी घटनास्थळावरून पळ काढला होता. त्यानतंर घटनेची माहिती मिळताच पोलिसांनी सदर दोघांना नागपूरमधून अटक केली.
