नाशिक – खासदार श्रीकांत शिंदे यांनी नाशिकमध्ये मोठी घोषणा केली आहे. महायुतीचा जागावाटपाचा फॉर्म्युला अजून ठरलेला नसताना श्रीकांत यांनी नाशिक लोकसभा मतदारसंघासाठी उमेदवारी जाहीर केली. हेमंत गोडसे यांना तिसऱ्यांदा लोकसभेत पाठवायचं आहे, असे श्रीकांत शिंदे म्हणाले.
शिवसेनेच्या वतीने नाशिकला कार्यकर्ता संवाद मेळाव्याचे आयोजन करण्यात आले होते. या मेळाव्याला श्रीकांत शिंदे उपस्थितीत होते. त्यावेळी आपल्या भाषणात श्रीकांत शिंदे म्हणाले कि, हेमंत गोडसे यांनी सांगितलं की, मुख्यमंत्र्यांना सांगा की, प्रभू श्रीरामांचा धनुष्यबाण हा नाशिकमध्येच राहीला पाहिजे. मी त्यांना सांगू इच्छितो की, आपला धनुष्यबाण नाशिकमध्येच राहणार आहे. आपल्याला सर्वांना पुन्हा एकदा हेमंत आप्पा गोडसे यांना तिसऱ्यांदा लोकसभेत पूर्ण बहुमताने पाठवायचं आहे.
