कल्याण – मारहाण करून लोकांना जबरदस्तीने लुटणाऱ्या दोघांना बाजारपेठ पोलिसांनी अटक केली आहे. निहाल शेख आणि चांद शेख अशी या दोघांची नावे आहेत. पोलिसांनी त्यांच्याकडून चैन, पैसे आणि 3 मोटार सायकल असा मुद्देमाल हस्तगत केला.
याबाबत वृत्त असे आहे कि, कल्याण पश्चिम परिसरात एका व्यक्तीला मारहाण करुन त्याच्याकडची चैन आणि पर्स (ज्यामध्ये १० हजार रुपये) असा ऐवज मोटार सायकल वर आलेल्या दोघांनी चोरून नेला असल्याबाबत बाजारपेठ पोलीस ठाण्यात गुन्हा दाखल करण्यात आला होता.
त्यानुषंगाने बाजारपेठ पोलीस ठाण्याचे वरिष्ठ पोलीस निरिक्षक अशोक कडलक, प्रभारी वरिष्ठ पोलीस निरिक्षक सुनिल पवार यांच्या मार्दशनाखाली पोलिसांनी तपास करून हवालदार गिरीश पवार यांना मिळालेल्या माहितीच्या आधारे या दोघांना अटक केली.
दरम्यान, पुढील तपास पोलीस अधिकारी अजिंक्य मोरे करत आहेत.
