कल्याण – नागरिकाला मारहाण करून लुटणाऱ्या तिघांना महात्मा फुले चौक पोलिसांनी अटक केली आहे. रोहित उबाळे, विशाल जाधव आणि रोहित गायकवाड अशी या तिघांची नावे आहेत.
याबाबत वृत्त असे आहे कि, वालधुनी परिसरात राहणारे आनंदा घाडगे हे रात्री घराच्या बाहेर फेरफटका मारत असताना त्यांच्याजवळ तिघेजण आले व पैशांची मागणी करू लागले. घाटगे यांनी पैसे देण्यास नकार दिल्याने या तिघांनी त्यांना रॉडने मारहाण करण्यास सुरुवात केली. तसेच तेथील लोक घाटगे यांच्या मदतीसाठी पुढे आले असता त्यांना देखील या तिघांनी जीवे मारण्याची धमकी दिली. आणि घाटगे यांच्या खिशातून ८५०/- रुपये घेऊन तेथून पळ काढला.
याबाबत महात्मा फुले चौक पोलीस ठाण्यात गुन्हा दाखल करण्यात आल्यानंतर त्यानुषंगाने पोलिसांनी तपास करत मिळालेल्या माहितीच्या आधारे या तिघांना अटक केली.
