kalyan – सोन्याची चेन लंपास करणाऱ्या एका चोरट्यास कोळसेवाडी पोलिसांनी अटक केली आहे. प्रितम जाधव असे याचे नाव असून, त्याच्याकडून पोलिसांनी ८ ग्रॅम वजनाची सोन्याची चेन हस्तगत केली आहे.
याबाबत वृत्त असे आहे कि, कोळसेवाडी पोलीस ठाण्याच्या हद्दीत गणेशवाडी येथील सरस्वती विदया मंदिर शाळेजवळ फिर्यादीच्या गळयातील सोन्याची चेन एका इसमाने खेचून तो कल्याण रेल्वे ट्रॅक च्या दिशेने पळून गेला असल्याबाबत कोळसेवाडी पोलीस ठाण्यात गुन्हा दाखल करण्यात आला होता.
त्याअनुषंगाने पोलिसांनी तपास करून मिळालेल्या माहितीच्या आधारे प्रितम जाधवला अटक केली. आणि त्याच्याकडून गुन्हयातील सोन्याची चेन हस्तगत केली.
सदरची यशस्वी कारवाई पोलीस उप आयुक्त, परीमंडळ ३, कल्याण अतुल झेंडे, सहा. पोलीस आयुक्त कल्याण विभाग कल्याणजी घेटे यांच्या मार्गदर्शनाखाली कोळसेवाडी पोलीस ठाण्याचे पोलीस निरीक्षक गणेश न्हायदे, पो. निरी प्रशासन खबाजी नाईक यांच्या सुचनेप्रमाणे सहा.पो निरी संदिप भालेराव, पोहवा वाघ, पोहवा जाधव, पोहवा कदम, पो.शि सोनवणे, पो शि इंगळे यांनी केली आहे.
