thane – वाहनांच्या काचा फोडून बॅग चोरी करणाऱ्या दोघांना गुन्हे शाखा, घटक-१ पोलिसांनी अटक केली आहे. अरविंद जाटव आणि साहिल कुमार जाटव अशी दोघांची नावे आहेत. पार्किंग मध्ये उभ्या केलेल्या वाहनाच्या काचा फोडून वाहनातील बॅग व किमंती मुद्देमाल चोरी करणारे इसम घोळ गणपती, पुजा पंजाब हॉटेल जवळ, महापे रोड, ठाणे पश्चिम या ठिकाणी येणार असल्याची माहिती पोलिसांना मिळाली होती.
त्याआधारे पोलिसांनी सदर ठिकाणी सापळा रचला दरम्यान, अरविंद जाटव आणि साहिल कुमार जाटव हे दोघे त्याठिकाणाहून पळून जात असल्याने पोलिसांनी त्यांचा पाठलाग करून दर्शन लॉज जवळ, वाशी, सेक्टर ११, नवी मुंबई येथे त्यांना अटक केली.
त्यांच्याकडे केलेल्या चौकशीत त्यांनी ठाणे, नवी मुंबई परिसरातील शिळडायघर, खारघर, पनवेल तालुका, कोपर खैरणे या पोलीस ठाण्याच्या हद्दीत मोटार सायकल व बॅग चोरीचे ४ गुन्हे केले असल्याची कबुली दिली असून, वरील चारही पोलीस ठाण्याचे गुन्हे उघडकीस आले आहे.
सदर प्रकरणी दोघांकडून वाहनांच्या काचा फोडण्यासाठी वापरण्यात येणारे ब्रेकर, मोटर सायकल, चोरलेल्या बॅगा, कागदपत्रे तसेच पेपर स्प्रे ची बॉटल इत्यादी मुद्देमाल हस्तगत करण्यात आला आहे. तसेच दोघांविरुद्ध शिळडायघर पोलीस ठाण्यात गुन्हा दाखल करण्यात आला असून गुन्हयाच्या पुढील तपासकामी त्यांना शिळ डायघर पोलीस ठाण्याच्या ताब्यात देण्यात आले आहे.
सदर यशस्वी कामगिरी अमरसिंह जाधव, पो.उप आयुक्त, गुन्हे, शेखर बागडे, सपोआ, शोध-१, गुन्हे शाखा यांच्या मार्गदर्शनाखाली वपोनि/सचिन गायकवाड, सपोनि यादव, पोउपनिरी/घुगे, पोउपनिरी/पाटील, सपोउपनिरी/नाईक, सुनिल माने, पोहवा/सोनकडे, प्रशांत निकुंभ, धनंजय आहेर, चापोहवा / शशिकांत सावंत, पोलीस अंमलदार सागर सुरळकर, मयुर लोखंडे, सर्व नेम. गुन्हे शाखा, घटक-१, ठाणे यांच्या पथकाने केली आहे.
