महाराष्ट्र

रेकी करून घरफोडी करणारे अटकेत…

pune – झोमॅटो बॉयचे कपडे घालून रेकी करून त्यानंतर घरफोडी करणाऱ्यांना स्वारगेट पोलिसांनी अटक करून त्यांच्याकडून ८६ तोळे सोन्याचे दागिने, १५० हिरे, ३.५ किलो चांदी, १ दुचाकी वाहन, ०२ पिस्तूल, ०५ जिवंत राऊंड, व घरफोडी करण्यासाठी वापरण्यात आलेली शस्त्र असा १ कोटी रुपयांपेक्षा अधिकचा मुद्देमाल जप्त केला आहे.

गणेश काठेवाडे, सुरेश पवार अशी यांची नावे आहेत. हे झोमॅटो डिलिव्हरी बॉयचे कपडे घालून आधी रेकी करायचे आणि त्यानंतर संधी साधत घरफोडी करायचे.

मिळालेल्या माहितीनुसार, पुणे शहरातील विविध ठिकाणी झालेल्या घरफोडीचा तपास करत असताना काठेवाडे हा यातील मास्टरमाईंड असल्याची माहिती पोलिसांना मिळाली होती. त्या अनुषंगाने तपास करत असताना पोलिसांनी तब्बल ३००० सीसीटिव्हीचे फुटेज तपासून काठेवाडे याला अटक केली. त्यानंतर काठेवाडे याच्याकडे सखोल तपास करता त्याने झोमॅटो डिलीव्हरी बॉय म्हणून सोसायट्यांमध्ये जावून रेकी करुन विविध पोलीस ठाण्याच्या हद्दीमध्ये एकूण १४ घरफोड्या केल्याचे निष्पन्न झाले.

दरम्यान, पुण्यातील या घरफोडी प्रकरणात काठेवाडे याचा साथीदार सुरेश पवार याला सुद्धा अटक करण्यात आली आहे. या दोघांची ओळख कारागृहात झाली होती. जामिनावर सुटल्यानंतर पुण्यातील विविध ठिकाणी घरफोडी करण्याचे दोघांनी ठरवले होते. याच प्रकरणात सोने विक्री करणारा व्यवसायिक अजय राजपूत याला सुद्धा अटक करण्यात आली आहे. तसेच गुन्ह्याच्या पुढील तपास स्वारगेट पोलीस करत आहेत.

Related Articles

Leave a Reply

Your email address will not be published. Required fields are marked *

Back to top button

You cannot copy content of this page