कल्याण – कल्याण रेल्वे स्थानकावर स्फोटके सापडल्याची माहिती समोर आली आहे. कल्याण रेल्वे स्थानकाच्या प्लॅटफॉर्म नंबर १ च्या बाहेर ५४ डेटोनेटर सापडले.
मिळालेल्या माहितीनुसार, कल्याण रेल्वे पोलीस ठाणे हद्दीत कल्याण रेल्वे स्टेशन प्लॅटफॉर्म नंबर १ च्या बाहेरील बाजूस दोन खोके आढळून आले. याची माहिती मिळताच पोलिसांनी घटनास्थळी धाव घेत श्वानाच्या साहाय्याने या खोक्यांची तपासणी केली असता, त्या खोक्यांमध्ये अंदाजे ५४ डिटोनेटर (स्फोटके) मिळून आली. सदर दोन्ही खोके पोलिसांनी ताब्यात घेतले असून, पुढील तपास पोलीस करत आहेत.
