डोंबिवली – डोंबिवली पूर्वेतून २ तलवारींसह एकास कल्याण गुन्हे शाखेने अटक केली. अक्षय पवार असे याचे नाव आहे.
मानपाडा पोलीस ठाण्याच्या हद्दीत पेट्रोलींग करत असताना इंद्रप्रस्थ बार सोनारपाडा रिक्षा स्टॅन्ड समोर एक इसम तलवार घेऊन उभा असल्याची माहिती पोलिसांना मिळाली होती.
त्याआधारे पोलिसांनी सदर ठिकाणी जाऊन तपास करून, अक्षय पवार यास अटक करून त्याच्याकडून २ तलवार, तलवारीची म्यान आणि इतर असा एकूण २०००/- रु. मुद्देमाल हस्तगत केला.
सदरची यशस्वी कामगिरी वरिष्ठ पोलीस निरीक्षक नरेश पवार यांच्या मार्गदर्शनाखाली पो.हवा अनुप कामत, पो.हवा. दत्ताराम भोसले, पोहवा बालाजी शिंदे, पोहवा विश्वास माने, पोहवा गोरखनाथ पोटे, पोना सचिन वानखडे, पोशि विनोद बन्ने यांनी केली.
