पुणे – शाळेतून घरी जाणाऱ्या एका ९ वर्षाच्या मुलाच्या डोक्यात बांधकामांवरील सळई पडल्याची घटना घडली असून, या घटनेत या मुलाचा उपचारादरम्यान मृत्यू झाला. रुद्र राऊत असे मृत झालेल्या मुलाचे नाव आहे.
मिळालेल्या माहितीनुसार हि घटना बाणेर गणराज चौकाजवळ घडली. रुद्र आपल्या आईसोबत शाळेतून घरी जात होता, त्यावेळी तेथून जात असताना लोखंडी सळई रुद्रच्या डोक्यात पडली. त्यात तो जखमी झाला. त्याला तातडीने रुग्णालयात नेण्यात आले. परंतु उपचार सुरु असताना त्याचे निधन झाले.
दरम्यान, या प्रकरणी चतु:श्रृंगी पोलीस ठाण्यात सबंधितांवर गुन्हा दाखल करण्यात आला आहे.
