कल्याण – महिलेवर एका इसमाने चाकू हल्ला करून चैन व मंगळसूत्र जबरदस्तीने चोरी केली असल्याचा प्रकार मोहना कॉलनी परिसरात घडला आहे. याप्रकरणी खडकपाडा पोलिसांनी आरोपीला अटक केली आहे. अश्विन सदाफुले असे याचे नाव आहे.
याबाबत वृत्त असे आहे कि, प्रिया सावंत या महिला आपल्या मुलीला शाळेत घेण्यासाठी जात होत्या त्यावेळी मोहना कॉलनी येथील बंद ऑफिसर क्वार्टरस याठिकाणी अचानक एका अनोळखी इसमाने पाठीमागून येऊन त्यांच्या गळ्यातील चैन व मंगळसूत्र जबरदस्तीने खेचण्याचा प्रयत्न केला त्यावेळी त्यांनी प्रतिकार केला असता, सदर इसमाने त्यांच्यावर चाकूने हल्ला करत चैन व मंगळसूत्र जबरदस्तीने घेऊन पळून गेला असल्याबाबत खडकपाडा पोलीस ठाण्यात गुन्हा दाखल करण्यात आला होता. त्यानुषंगाने पोलिसांनी तपास करत अश्विन सदाफुलेला अटक केली.
सदरची यशस्वी कामगिरी उप आयुक्त, परिमंडळ ३ कल्याण सचिन गुंजाळ, सहा. पोलीस आयुक्त कल्याणजी घेटे यांच्या मार्गदर्शनाखाली खडकपाडा पोलीस ठाण्याचे वरिष्ठ पोलीस निरीक्षक सर्जेराव पाटील, पोलीस निरीक्षक कायदा व सुव्यवस्था नंदकुमार केंचे, पोलीस निरीक्षक गुन्हे शरद झिंने सपोनि अनिल गायकवाड, सपोउपनिरी अशोक पवार, सपोउपनिरी दाभाडे, सपोउपनिरी चव्हान, पोहवा चाण, पोहवा सदाशिव देवरे, पोना संजय माळी, पोहवा नवनाथ डोंगरे, पोशि नामदेव व्हटकर, पोशि राहुल शिंदे, पोशि कुंदन भामरे, पोशि घाणे, पोशि पोपट धुळगंड, पोशि विलास मदनुरे यांनी केली.
