कायदा माझ्या बापाने लिहिला आहे, गुन्हा दाखल झाल्यावर सुषमा अंधारे यांची प्रतिक्रिया…

मुंबई – ठाण्यात शिवसेना ठाकरे गटाची सभा पार पडल्यानंतर शिवसेना नेत्या सुषमा अंधारेंसह पाच नेत्यांवर गुन्हा दाखल करण्यात आला आहे. गुन्हा दाखल झाल्यानंतर कायदा माझ्या बापाने लिहिला आहे. माझ्या बापाने लिहिलेल्या कायद्याचा आदर मी नाही करायचा तर कुणी करायचा असं म्हणत सुषमा अंधारे यांनी कायद्याच्या भाषेतच प्रतिक्रिया दिली आहे.

एका मराठी वृत्तवाहिनिशी बोलताना त्या म्हणाल्या माझ्यावर गुन्हा दाखल झाल्यानंतर मला अजिबात आश्चर्य वगैरे काहीच वाटलं नाही. मी या सगळ्या गोष्टींसाठी मेंटली प्रीपेड होतेच. हे सगळं अपेक्षित आहे. मला नोटीस आली तर नक्की जाईन असंही अंधारे म्हणाल्या. जे त्यांच्या विरोधात बोलतील त्यांना अशा प्रकारेच दंडशाही दाखवली जाईल. 153 अ नुसार हा गुन्हा दाखल झाला असून, माझ्याकडे अजूनही रीतसर प्रत आली नाही.

मी जे केलं ते नक्कल नाही. मोदीजींनी जे सांगितलं तेच मी माझ्या भाषणात बोलले. राज ठाकरे माझ्यापेक्षा जास्त अशा नकला करतात असेही अंधारे यांनी म्हंटल आहे.