डोंबिवली : फ्लॅटमध्ये चिंपांझी, साप, कासव, सरडा विदेशी प्राण्यांना डांबून ठेवले…
dombivali – डोंबिवली जवळील पलावामधील एका फ्लॅटमध्ये मोठी कारवाई करण्यात आली आहे. ज्यामध्ये असंख्य विदेशी आणि लुप्तप्राय वन्यजीव प्रजाती जप्त करण्यात आल्या आहेत. ठाणे वन विभाग, मानपाडा पोलीस, विशेष पोलीस दलाने हि कारवाई केली असून, या वन्यजिवांमध्ये साप, कासव, सरडा, चिंपाझी जातीची माकडे, अजगर यांचा समावेश आहे. घराचा मालक फरार असून याप्रकरणी गुन्हा दाखल करण्यात आला आहे.
मिळालेल्या माहितीच्या आधारे पोलिसांनी पलावामधील एक्सपेरीया व्यापारी संकुलाजवळील सवरना इमारतीच्या बी विंगमधील आठव्या मजल्यावरील ८०६ क्रमांकाच्या सदनिकेत छापा टाकला असता, त्याठिकाणी पोलिसांना डांबून ठेवलेले वन्यजीव आढळून आले. या वन्यजिवांमध्ये साप, कासव, सरडा, चिंपाझी जातीची माकडे, अजगर होते. सदर वन्यजीव पोलिसांनी जप्त केले असून याप्रकरणी मानपाडा पोलीस ठाण्यात गुन्हा दाखल करण्यात आला आहे.
