सिंधुदुर्ग – मालवणमधील राजकोट किल्ल्यावर ठाकरे-राणे समर्थकांमध्ये तुफान राडा झाला. मिळालेल्या माहितीनुसार, राजकोट किल्ल्यावर पाहणीसाठी आज आदित्य ठाकरे, जयंत पाटील, विरोधी पक्षनेते विजय वडेट्टीवार असे महाविकास आघाडीचे नेते आले होते. त्यावेळी खासदार आणि भाजपा नेते नारायण राणे, निलेश राणे हे त्यांच्या कार्यकर्त्यांसोबत पोहोचले. आणि ठाकरे गट आणि राणे समर्थक आमने सामने आले, त्यांच्यात तुफान राडा झाला.
पोलिसांकडून दोन्ही गटांना रोखण्याचा प्रयत्न सुरू होता. मात्र दोन्ही गटाचे समर्थक काही ऐकण्यास तयार नव्हते यावेळी कार्यकर्त्यांना मारहाण देखील झाली. दरम्यान या प्रकारामुळे काही काळ किल्ल्यामध्ये तणावाचं वातावरण निर्माण झालं होत.
