डोंबिवली – एका महिलेला तिने रिक्षात विसरलेली बॅग मानपाडा पोलिसांमुळे परत मिळाली आहे. हेमलता आडीवरेकर असे या महिलेचे नाव असून, हेमलता या गांधीनगर, डोंबिवली पूर्व येथे रिक्षाने आल्या असता, प्रवासात त्या त्यांची बॅग रिक्षात विसरून गेल्या होत्या. त्या बॅगेत आयफोन मोबाईल, 2 अँपल वॉच, 2 अँपल एअरबड्स होते. याबाबत हेमलता यांनी मानपाडा पोलीस ठाण्यात तक्रार दिली होती.
त्याअनुषंगाने मानपाडा पोलीस ठाण्याचे वपोनि. विजय कादबाने यांच्या मार्गदर्शनाखाली सपोनि. महेश राळेभात, पोहवा. दिपक गडगे, पोना. यल्लाप्पा पाटील, पोना. देवा पवार, पोअं. महेंद्र मंझा, पोअं.गणेश बडे यांनी तक्रारीचा पाठपुरावा करून तक्रारदार यांनी प्रवास केलेल्या रिक्षाचा CCTV च्या माध्यमातून शोध घेऊन तक्रारदार हेमलता यांची बॅग आयफोन मोबाईल, 2 अँपल वॉच, 2 अँपल एअरबड्ससह (एकूण अंदाजे 2,50,000/- रु. किंमतीच्या वस्तू) मिळवून, ती बॅग सपोनि. महेश राळेभात यांच्या हस्ते हेमलता यांन सुपूर्द केली आहेत.
