ठाणे – डंपरच्या धडकेत एका पोलीस कर्मचाऱ्यासह एका महिलेचा मृत्यू झाला असल्याची माहिती समोर आली आहे.
मिळालेल्या माहितीनुसार, वर्तक नगर परिसरातील कोरस टॉवरजवळ हि घटना घडली आहे. सुनील रावते असे या पोलीस कॉन्स्टेबलचे नाव असून, ते ठाणे गुन्हे अन्वेषण शाखेच्या वागळे युनीटमध्ये कार्यरत होते.
सुनील हे खाजगी कामासाठी महिलेसह दुचाकीवरून जात असताना हा अपघात घडला. भरधाव डंपरने दुचाकीला जोरदार धडक दिली. या अपघातानंतर हे दोघेही खाली पडले. डंपरने चिरडल्यामुळे दोघांचाही मृत्यू झाला. याप्रकरणी वर्तक नगर पोलीस ठाण्यात गुन्हा दाखल करण्यात आला आहे.
दरम्यान, अपघातानंतर डंपर चालक फरार झाला असून, पोलीस तपास करत आहेत.
