kalyan – सार्वत्रिक लोकसभा निवडणूक महाराष्ट्रात पाच टप्प्यात घेण्यात आली असून या निवडणुकीची मतमोजणी राज्यातील ४८ मतदार संघात उद्या मंगळवारी (दि. ४) सकाळी आठ वाजल्यापासून सुरू होणार आहे.
सर्वांचे लक्ष लागलेल्या कल्याण लोकसभा मतदार संघात कोण बाजी मारणार? अशी उत्सुकता नागरिकांमध्ये निर्माण झाली आहे.
कल्याण लोकसभा मतदारसंघांमध्ये विद्यमान खासदार डॉक्टर श्रीकांत शिंदे यांना शिवसेना शिंदे गटाकडून तिसऱ्यांदा उमेदवारी देण्यात आली होती तर, महाविकास आघाडीकडून वैशाली दरेकर यांना उमेदवारी देण्यात आली होती. अटीतटीच्या ठरलेल्या कल्याण लोकसभा मतदारसंघात या दोघांमध्ये चुरशीची लढत झाली. त्यामुळे कल्याण लोकसभा मतदारसंघाचा हा गड कोण राखतंय याकडे सर्वांचं लक्ष लागले आहे.
दरम्यान, याठिकाणी एकूण ५०.१२ टक्के मतदान झाले आहे. या लोकसभेत अंबरनाथ, उल्हासनगर, कल्याण पूर्व, डोंबिवली, कल्याण ग्रामीण, मुंब्रा हे मतदारसंघ येतात.
