मुंबई – महाराष्ट्र राज्य माध्यमिक आणि उच्च माध्यमिक शिक्षण मंडळाकडून दहावीचा निकाल जाहीर करण्यात आला आहे. यंदा दहावीच्या परीक्षेचा निकाल ९५.८१ टक्के निकाल लागला आहे. यंदाही कोकण विभागाने बाजी मारली आहे. तर नागपूर विभागाचा सर्वात कमी निकाल लागला आहे. मंडळाच्या ९ विभागीय मंडळामार्फत १ ते २६ मार्च दरम्यान लेखी परीक्षा घेण्यात आली होती. निकालात मुलांपेक्षा मुलींच्या उत्तीर्णतेचे प्रमाण जास्त आहे. ९४.५६ टक्के मुले उत्तीर्ण झाली असून, ९७ टक्के मुली उत्तीर्ण झाल्या आहेत.
राज्यातील विभागनिहाय निकाल
पुणे – 96.44 टक्के
नागपुर – 94.73 टक्के
संभाजीनगर – 95.19 टक्के
मुंबई – 95.83 टक्के
कोल्हापूर – 97.45 टक्के
अमरावती – 95.58 टक्के
नाशिक – 95.28 टक्के
लातूर – 95.27 टक्के
कोकण – 99.01 टक्के
दरम्यान, विद्यार्थ्यांना दुपारी 1 वाजल्यापासून बोर्डाच्या वेबसाईटवर दहावीचा निकाल पाहता येईल
