उल्हासनगर – उल्हासनगर – ३ मधून मध्यवर्ती पोलिसांनी ६ किलो गांजा जप्त करून एकास अटक केली. सोमनाथ सोनवणे असे याचे नाव आहे.
मध्यवर्ती पोलीस स्टेशनच्या हद्दीत पेट्रोलींग करीत असताना गुलराज टॉवर परिसरामध्ये शाहू ब्रिज जवळ, रोडवर पोलिसांनी सोमनाथ सोनवणे यास ताब्यात घेऊन त्याची अंगझडती घेतली असता त्याच्याजवळ ७२०००/- रुपये किंमतीचा सुमारे ६ किलो वजनाचा गांजा हा अंमली पदार्थं मिळून आल्याने पोलिसांनी मध्यवर्ती पोलीस ठाण्यात गुन्हा दाखल करून त्यास अटक केली तसेच गांजा जप्त केला.
सदरची यशस्वी कामगिरी अपर पोलीस आयुक्त, पुर्व प्रादेशिक विभाग, दत्तात्रय शिंदे, पोलीस उप आयुक्त, परिमंडळ ४, डॉ. सुधाकर पठारे, सहाय्यक पोलीस आयुक्त, अमोल कोळी, उल्हासनगर विभाग यांच्या मार्गदर्शनाखाली वरिष्ठ पोलीस निरीक्षक शंकर आवताडे, मध्यवर्ती पोलीस स्टेशन यांनी दिलेल्या सुचनांनुसार पोनि (गुन्हे) उमेश सावंत, सपोनि विशाल चिटणीस, सपोनि राकेश शेवाळे आणि त्यांच्या सोबत गुन्हे शोध पथकाचे पोहवा दत्तू जाधव, पोहवा प्रमोद जाधव, पोहवा दत्तात्रय जाधव, पोशि वैजिनाच राख, पोशि बाबासाहेब ढाकणे, पोशि विकास पाटील, पोशि अरविंद पवार यांनी केली.
