पुणे – पुण्यात एका महिलेला जिवंत जाळण्याचा प्रयत्न करण्यात आल्याचा प्रकार समोर आला आहे. खराडी भागात हि घटना घडली असून, पार्किंगच्या वादातून महिलेच्या अंगावर पेट्रोल ओतून तिला पेटवण्याचा प्रयत्न करण्यात आला. मात्र ती तेथून पळून गेली. या घटनेचे सीसीटीव्ही फुटेज देखील समोर आले आहे.
मिळालेल्या माहितीनुसार, पार्किंगच्या वादातून १० ते १५ जणांनी आधी या महिलेच्या चारचाकी गाडीची तोडफोड केली. त्यानंतर या महिलेच्या अंगावर पेट्रोल ओतून पेटवण्याचा प्रयत्न केला. मात्र, ती घरात पळून गेली. दरम्यान, या प्रकरणी पोलिसांत गुन्हा दाखल करण्यात आला आहे.
