ठाणे – अवजड वाहनचालकांकडून शिळफाटा याठिकाणी अवैधरित्या पैशांची वसुली करण्यात येत असल्याचा व्हिडीओ व्हायरल झाल्यानंतर याची तातडीने दखल घेत पोलीस आयुक्तांच्या आदेशाने मुंब्रा वाहतूक उपविभागाचे वरिष्ठ पोलीस निरीक्षक सुरेश खेडेकर यांच्यासह ३९ अंमलदारांची बदली करण्यता आली आहे.
मिळालेल्या माहितीनुसार, एका व्हायरल व्हिडिओमध्ये पोलिसांकडून शिळफाटा याठिकाणी अवजड वाहनांकडून अवैधरित्या वसुली करण्यात येत होती. या प्रकारानंतर मुंब्रा वाहतूक उपविभागातील सर्व अधिकारी आणि अंमलदार यांची ठाणे पोलीस मुख्यालयात तडकाफडकी बदली करण्यात आली.
दरम्यान, अशा प्रकारची कारवाई पहिल्यांदाच झाल्याने पोलीस दलात खळबळ उडाली आहे.
