जळगाव – काँग्रेसचे माजी उपाध्यक्ष आणि माजी खासदार डॉ. उल्हास पाटील यांना ६ वर्षांसाठी पक्षातून निलंबित करण्यात आले आहे.
पाटील यांच्यासोबतच त्यांची पत्नी डॉक्टर वर्षा पाटील आणि काँग्रेसचे युवक जिल्हाध्यक्ष देवेंद्र मराठे यांच्यावर देखील काँग्रेसने निलंबनाची कारवाई केली आहे. पक्षविरोधी कारवाया केल्यामुळे या तिघांवर महाराष्ट्र प्रदेश काँग्रेस कमिटीचे अध्यक्ष नाना पटोले यांच्या निर्देशानुसार ही कारवाई करण्यात आली.
दरम्यान, डॉ. उल्हास पाटील हे महाराष्ट्र प्रदेश काँग्रेस कमिटीचे उपाध्यक्ष होते तर डॉ. देवेंद्र प्रकाश मराठे हे जळगाव ग्रामीण युवक काँग्रेसचे अध्यक्ष होते.
