ठाणे – देशी बनावटीचे पिस्टल आणि रिव्हॉलवर विक्री करण्यासाठी आलेल्या एकास मुंब्रा पोलिसांनी अटक केली. राकेश मेहता असे याचे नाव असून, गुप्त बातमीदारामार्फत मिळालेल्या बातमीच्या अनुषंगाने पोलिसांनी मुंब्रा रेल्वे स्टेशन जवळील एम.गेट परिसरात सापळा रचून राकेशला अटक केली.
त्याच्याजवळ १ देशी बनावटीचे मॅगझीनसह पिस्टल आणि ६ चेंबरचे रिव्हॉल्वर आणि ३ जिवंत काडतुसे असा ६५,६००/- रू चा मुद्देमाल मिळून आला असून, सदर प्रकरणी पोलिसांनी गुन्हा दाखल केला.
सदरची यशस्वी कामगिरी डॉ. महेश पाटील, अपर पोलीस आयुक्त, पश्चिम प्रादेशिक विभाग, ठाणे शहर, गणेश गावडे पोलीस उप. आयुक्त, परि-१ ठाणे, विजयसिंह भोसले सहाय्यक पोलीस आयुक्त, कळवा विभाग यांच्या मार्गदर्शनाखाली मुंब्रा पोलीस ठाण्याचे वरिष्ठ पोलीस निरीक्षक निवृत्ती कोल्हटकर, सपोनि अजय कुंभार, सपोउपनिरी दिपक जाधव, पोलीस अंमलदार अजिज तडवी, सतिश खाबडे, तेजस परब, रोशन कदम, कृष्णा आव्हाड यांनी केली.
