कल्याण – एका महिलेवर खिडकीतून घरात शिरून प्राणघातक हल्ला करण्यात आल्याची घटना कोळवली परिसरात घडली आहे. या घटनेत महिला जखमी झाली तिला रुग्णालयात दाखल करण्यात आले असून, खडकपाडा पोलिसांनी आरोपीला अटक केली आहे.
याबाबत वृत्त असे आहे कि, कल्याण पश्चिमेतील कोलीवली रोड परिसरात वैशाली भोईर चाळ आहे. या चाळीत नितेश पाल हा पत्नी सोनमसोबत राहतो. नितेश जवळच्या एका बेकरीत कामाला आहे. रात्री तो बेकरीत होता त्यावेळी सोनम घरात एकटीच होती त्यादरम्यान, घराच्या खिडकीतून एक इसम घरात आला. आणि त्याने सोनमवर धारदार हत्याराने हल्ला केला आणि हल्लेखोर पसार झाला.
घटनेची माहिती मिळताच खडकपाडा पोलिसांनी गुन्हा दाखल करत आरोपीचा शोध सुरु केला. त्यावेळी पोलिसांना घटनास्थळी एक चप्पल सापडली त्यावरून पोलिसांनी आरोपीचा शोध घेऊन मिळालेल्या माहितीच्या आधारे आरोपीला अटक केली.
