पुणे – मद्यधुंद कार चालकाने अनेक वाहनांना उडवल्याची घटना घडली आहे. या घटनेत एकाचा मृत्यू झाला तर ३ ते ४ जण जखमी झाले.
मिळालेल्या माहितीनुसार, नारायण पेठ पोलीस चौकीकडून झेड ब्रिजच्या दिशेने जाताना या कार चालकाने अनेक वाहनांना धडक दिली आणि काही पादचाऱ्यांना देखील उडवले. या अपघातात एकाचा जागीच मृत्यू झाला तर ३ ते ४ जण जखमी झाले.
दरम्यान, घटनेची माहिती मिळताच विश्रामबाग पोलिसांनी घटनास्थळी धाव घेत कार चालकालासह त्याच्या सहकाऱ्याला अटक केली आहे. उमेश वाघमारे असे कार चालकाचे नाव आहे तर नटराज सूर्यवंशी असे कार मालकाचे नाव आहे.
