कल्याण – दुर्गाडी पुलावर एका ट्रक चालकाची हत्या करण्यात आली होती, सदर प्रकरणी खडकपाडा पोलिसांनी दोघांना अटक केली आहे. अंजला खान, मोहम्मद शेख अशी या दोघांची नावे आहेत.
मिळालेल्या माहितीनुसार गाडीचा बोल्ट खाली पडल्याने ट्रक चालक भोला कुमारने दुर्गाडी पुलावर गाडी उभी केली होती. त्यावेळी दोघेजण एका दुचाकीवरुन त्याच्याकडे आले, आणि ट्रक थांबविल्याने आमच्या गाडीचे नुकसान झाले आहे, आमच्या गाडीची नुकसान भरपाई दे असे म्हणत या दोघांनी भोला कुमारशी वाद घालण्यास सुरुवात केली. मात्र भोला कुमारने पैसे देण्यास नकार दिल्याने या दोघांनी धारदार शस्त्राने भोलावर वार करत त्याला जागीच ठार केले. आणि तेथून पळ काढला.
दरम्यान, सदर घटनेचा तपास करून पोलिसांनी या दोघांना वांद्रे येथून अटक केली.
सदरची यशस्वी कामगिरी पोलीस आयुक्त ठाणे शहर जयजीत सिंग, अपर पोलीस आयुक्त दत्तात्रय शिंदे पूर्व प्रादेशिक विभाग, कल्याण पोलीस उप आयुक्त सचिन गुजांळ, सहा. पोलीस आयुक्त कल्याणजी मेटे यांच्या मार्गदर्शनाखाली प्रभारी वपोनिरी सुनिल पवार, बाजारपेठ पोलीस ठाणेचे गुन्हे प्रकटिकरण पथकाचे पोनि नवनाथ रूपवते, पो उपनिरीक्षक अजिक्य मोरे तसेच डीबी पथकातील पोहवा पवार, पोहवा इंगळे, पोहवा खोकले, पोहवा पावशे, पोहवा साळवी, पोहवा बाविस्कर, पोहवा भालेराव, पोहवा बागुल, पोना कातकाडे, पोना कसबे, पोकॉ शिंदे, पोकॉ जाधव, पोकॉ फड, पोकॉ आधळे यांनी केली आहे.
