महाराष्ट्र – आज श्री गणेश चतुर्थी गणरायाचे, आपल्या लाडक्या बाप्पाचे सर्वत्र मोठ्या जल्लोषात आगमन होत आहे.
ढोल ताशांचा गजर आणि ‘गणपती बाप्पा मोरया’चा जयघोष करत गणरायाला घरी आणि सार्वजनिक गणेशोत्सव मंडळात आणण्यात येत आहे. तसेच सेलिब्रेटी आणि राजकीय नेत्यांच्या घरी बाप्पा विराजमान झाले आहेत. कोकणात गणपतीचे वाजत गाजत आणि पारंपरिक पद्धतीने आगमन होत आहे तर पुण्यामध्ये गणरायाच्या आगमनाची सुरुवात झाली आहे. अनेक गणपतीच्या मिरवणुका निघत आहेत. त्यामुळे आज सर्वत्र उत्साहाचे वातावरण पाहायला मिळत आहे.
दरम्यान, पावसाने देखील आज बाप्पाच्या स्वागतासाठी हजेरी लावली आहे.
