मंत्री रविंद्र चव्हाण यांची लोकप्रतिनिधींच्या समस्यांसंदर्भात जिल्हाधिकाऱ्यांशी चर्चा…
ठाणे – राज्याचे सार्वजनिक बांधकाम, अन्न व नागरी पुरवठा मंत्री रविंद्र चव्हाण यांनी लोकप्रतिनिधींच्या विविध अडचणींसंदर्भात जिल्हाधिकारी अशोक शिनगारे यांच्याशी चर्चा केली.
जिल्हाधिकारी कार्यालयात झालेल्या लोकप्रतिनिधी व शासकीय अधिकाऱ्यांच्या बैठकीत चव्हाण यांनी लोकप्रतिनिधींच्या अडचणी, समस्या सोडविण्यासाठी निर्देश दिले. यावेळी आमदार निरंजन डावखरे, अपर जिल्हाधिकारी मनिषा जायभाये, निवासी उपजिल्हाधिकारी सुदाम परदेशी, उपजिल्हाधिकारी (सा.प्र.) गोपीनाथ मुंडे, ठाणे महानगरपालिकेच अतिरिक्त आयुक्त संजय हेरवाडे आदी उपस्थित होते.
चव्हाण यांनी लोकप्रतिनिधींनी मांडलेल्या समस्या, कामांसंदर्भात प्रशासनाने गतीने कार्यवाही करावी, असे निर्देश दिले.
लोकप्रतिनीधींच्या अडचणी, समस्या सोडविण्यासाठी प्राधान्याने शासकीय नियमांमध्ये राहून कामे करावीत. तसेच लोकप्रतिनिधींच्या कामांना गती देण्यासाठी गांभीर्याने कामे करावीत, अशा सूचना जिल्हाधिकारी शिनगारे यांनी यावेळी केल्या.
