जळगाव – गुलाबराव पाटील गद्दार झाला म्हणतात. मी गद्दार झालो नाही, तर एक मराठा चेहरा शिवसेनेमधून बाहेर जात होता त्याला मुख्यमंत्री करण्यासाठी मी गद्दारी केली, असे मंत्री गुलाबराव पाटील म्हणाले आहेत.
ठाकरे गटाकडून वारंवार शिंदे गटातील आमदारांचा उल्लेख गद्दार म्हणून केला जात आहे. या टीका करणाऱ्यांना मंत्री गुलाबराव पाटील यांनी प्रत्युत्तर दिले आहे. ते जळगावात एका कार्यक्रमात बोलत होते.
गुलाबराव पाटील म्हणाले, विरोधाला विरोध करायचा पण मतदार संघात काही काम करायचं नाही. बिलखेडेत साधी एक मुतारी हे लोक बांधू शकले नाहीत आणि भाषणं ठोकतात, तुम्ही काय आमच्यावर टीका करता.
शरद पवार म्हणतात एकनाथ शिंदे कोण आहेत? असे म्हणत जर कोणत्याही गोष्टीत तुम्ही जातीवाद करत असाल, तर होय मी एकनाथ शिंदे यांच्यासाठी मी त्याग केला. एक मराठा मुख्यमंत्री व्हावा यासाठी मी गद्दारी केली, असे मंत्री गुलाबराव पाटील म्हणाले. आज हा गुलाबराव पाटील मुख्यमंत्र्यांच्या बाजूला बसतो हा तुमच्या मतदारसंघाचा जयजयकार असल्याचेही गुलाबराव पाटील म्हणाले.
