कल्याण – आरपीफच्या एका कॉन्स्टेबलने उपनिरीक्षकाची हत्या केल्याची धक्कादायक घटना कल्याणमध्ये घडली बसवराज गर्ग असे मृत उपनिरीक्षकाचे नाव आहे. तर पंकज यादव असे कॉन्स्टेबलचे नाव आहे. कल्याण रेल्वे स्टेशनला लागून असलेल्या वसाहतीत हि घटना घडली. ४ वर्षांपूर्वी पगार वाढ रोखल्याच्या रागातून हि हत्या करण्यात आली असल्याचे समोर आले आहे. दरम्यान, कोळशेवाडी पोलिसांनी कॉन्स्टेबल पंकज यादव याला अटक केली आहे.
याबाबत वृत्त असे आहे कि, बसरावराज गर्ग हे आरपीएफच्या सब इन्स्पेक्टर पदावर कार्यरत हाेते. ते कल्याण रेल्वे स्थानकालगत असलेल्या पूर्व भागात रेल्वे वसाहतीत राहत हाेते. दरम्यान, बॅरेक्समध्ये माेबाईलवर गाणी ऐकत बसले हाेते. त्याचवेळी अचानक आरपीएफ जवान पंकज त्याठिकाणी आला. त्याने हातातील लाकडी दांडक्याने आणि ठाेशा बुक्क्यांनी बसवराज यांना मारहाण करण्यास सुरुवात केली. या मारहाणीत बसवराज यांना गंभीर दुखापत झाली. त्यांचा जागीच मृत्यू झाला. त्यानंतर पंकज तेथून पसार झाला.
काेळसेवाडी पाेलिसांना याबाबत माहिती मिळातच तपास करून पाेलिसांनी पंकजला पेण येथून अटक केली.
