जळगाव – शरद पवार यांच्या ताफ्यातील गाड्यांचा भीषण अपघात झाल्याची माहिती समोर आली आहे. त्यांच्या ताफ्यातील २ वाहने एकमेकांना धडकली. यावल तालुक्यात भुसावळ-यावल रस्त्यावर हा अपघात घडला आहे.
मिळालेल्या माहितीनुसार, शरद पवार जळगाव जिल्ह्याच्या दौऱ्यावर आहेत. चोपडा येथील सभा आटोपून ते भुसावळकडे जात असताना हा अपघात घडला . ताफ्यातील शेवटी येत असलेल्या एका वाहनाने समोरील वाहनास धडक दिली. या धडकेत दोन्ही वाहनांचे नुकसान झाले आहे. सुदैवाने यात कोणीही जखमी झालेले नाही.
