डोंबिवली – मुलानेच आपल्या वडिलांची हत्या केल्याची धक्कादायक घटना खंबाळपाडा भोईरवाडी परिसरात घडली. वडिलांच्या आजारपणाला कंटाळून मुलाने वडील झोपेत असताना त्यांचा डोक्यात दगडी जातं टाकून आणि गळा चिरून त्यांची निर्घृण हत्या केली. शामसुंदर शिंदे असे हत्या झालेल्या वडिलांचे नाव आहे, तर तेजस शिंदे असे मुलाचे नाव आहे. याप्रकरणी टिळकनगर पोलीस ठाण्यात गुन्हा दाखल करण्यात आला असून, पोलिसांनी तेजस शिंदे याला अटक केली आहे.
श्यामसुंदर शिंदे मनोरुग्ण होते. घरामध्ये ते नेहमी कटकट करत असत. त्यांच्या कटकटीला घरातील त्रासले होते. त्यामुळे तेजसने श्यामसुंदर घरात झोपले असताना दगडी जातं त्यांच्या डोक्यात घातले. आणि गळा चिरून त्यांची हत्या केली. त्यानंतर तेजसने स्वतः टिळकनगर पोलीस ठाण्यात जाऊन या हत्येची माहिती पोलिसांना दिली. दरम्यान, पोलिसांनी तेजस शिंदे याला अटक केली आहे.
