mumbai – अंधेरीत एका १४ मजली निवासी इमारतीला भीषण आग लागल्याची घटना घडली आहे. या आगीत होरपळून तिघांचा मृत्यू झाला असल्याची माहिती आहे. यामध्ये दोन ज्येष्ठ नागरिक आणि एका कर्मचाऱ्याचा समावेश आहे.
मिळालेल्या माहितीनुसार, अंधेरी पश्चिमेकडील लोखंडवाला कॉम्प्लेक्स , क्रॉस रोड नंबर ४ जवळ रिया पॅलेस नावाची १४ मजली इमारत आहे. सकाळच्या सुमारास या इमारतीच्या १० व्या मजल्यावरील एका रहिवासी फ्लॅटला अचानक भीषण आग लागली. आगीची माहिती मिळताच फायर ब्रिगेडच्या जवानांनी घटनास्थळी धाव घेत शर्तीचे प्रयत्न करून आग विझवली मात्र त्या फ्लॅटमध्ये राहणाऱ्या तिघांचा मृत्यू झाला. दरम्यान, आगीचे कारण अद्याप अस्पष्ट आहे.
