मुंबई – सीएसएमटी स्थानकाजवळ पुन्हा लोकल घसरली आहे. आज दुपारच्या सुमारास हार्बर मार्गावरील लोकल रुळावरून घसरली, त्यामुळे हार्बर मार्गावरील वाहतूक विस्कळीत झाली आहे. वडाळा ते सीएसएमटी स्थानकादरम्यानची वाहतूक बंद झाली आहे.
मिळालेल्या माहितीनुसार, रिकाम्या लोकलची चाचपणी सुरु होती. चाचपणीदरम्यान ही लोकल रुळावरून घसरली. लोकल रुळावरून घसरल्याची माहिती मिळताच तातडीने रेल्वेचे कर्मचारी घटनास्थळी दाखल झाले असून, लोकल रुळावर आणत वाहतूक सुरळीत करण्याचे काम करत आहेत.
