मुंबई – कुत्र्यावर एका महिलेने अ‍ॅसिड हल्ला केल्याची घटना समोर आली आहे. मालवणीमधील सामनानगर परिसरातील स्वप्नपूर्ती या इमारतीमध्ये हि घटना घडली असून, मिळालेल्या माहितीनुसार हा कुत्रा मांजरींसोबत खेळतो आणि त्यांच्या मागे लागतो, त्रास देतो म्हणून या महिलेने या कुत्र्यावर अ‍ॅसिड हल्ला केला. अ‍ॅसिड हल्ल्याचा हा सर्व प्रकार सीसीटीव्हीमध्ये कैद झाला आहे.
दरम्यान, सदर प्रकरणी या महिलेवर मालवणी पोलिसांनी आयपीसीच्या कलम 429, प्राणी क्रूरता प्रतिबंधक कायद्याचे कलम 11 (1), आणि महाराष्ट्र पोलीस कायद्याच्या कलम 119 अंतर्गत गुन्हा दाखल केला आहे.
