मुंबई – २०४ ग्रॅम ‘मेफेड्रॉन'(एमडी) अंमली पदार्थ जप्त करून अंमली पदार्थ विरोधी कक्ष, वरळी युनिट पोलिसांनी ६ जणांना अटक केली.
मुंबई शहरातील अंमली पदार्थ खरेदी-विक्री करणारे, पुरवठा, साठा करणारे इसमांचा शोध घेत असताना पोलिसांना कुर्ला स्ट्रिट, मस्जीद बंदर (पूर्व) या ठिकाणी तीन जण संशयास्पदरित्या दिसून आल्याने पोलिसांनी त्यांची झडती घेतली असता त्यांच्याकडे एकूण ९३ ग्रॅम एमडी हा अंमली पदार्थ मिळून आला. पोलिसांनी सदर अंमली पदार्थ जप्त करून या तिघांना अटक केली. त्यानंतर त्यांच्याकडे केलेल्या चौकशीनंतर आणखी तिघांना जिनाबाई राठोड मार्ग, माझगाव याठिकाणी सापळा रचून अटक करून त्यांच्याकडून एकूण १११ ग्रॅम एमडी आणि रोख रुपये १५,५००/- जप्त केले.
सदर प्रकरणी पोलिसांनी ४०,८०,०००/- रुपये किमंतीचा एकूण२०४ ग्रॅम ‘एमडी’ अंमली पदार्थ आणि रोख रक्कम रु. १५,५००/- असा एकूण ४०,९५,०००/- रु. मुद्देमाल जप्त केला.
