रायगड – मुंबई-पुणे महामार्गावर सहलीच्या बसला अपघात झाल्याची घटना घडली. सहलीतून परत येत असताना एक खासगी बस पलटी होऊन दोन विद्यार्थ्यांचा मृत्यू झाला तर इतर विद्यार्थी जखमी झाले असून जखमी विद्यार्थ्यांना लोणावळा, खोपोली व आजूबाजूच्या परिसरातील विविध रुग्णालयांमध्ये दाखल करण्यात आले आहे.
मिळालेल्या माहितीनुसार, चेंबूर येथील मयांक कोचिंग क्लासेसच्या दहावीच्या विद्यार्थ्यांची लोणावळा येथे सहल आली होती. खासगी बसने एकूण ४८ विद्यार्थी आणि २ शिक्षक असे एकूण ५० जण बसने लोणावळ्यात सहलीसाठी आले होते. लोणावळ्यातील एका वॉटर पार्कवर सहलीसाठी ते आले होते. परत मुंबईच्या दिशेने जात असताना त्यांच्या बसला अपघात झाला. जुन्या मुंबई-पुणे महामार्गावरून घाट उतरत असताना मॅजिक पॉईंट जवळ ही बस पलटी झाली. दरम्यान, या अपघातामध्ये १ मुलगा व १ मुलगीचा मृत्यू झाला आहे.
