मुंबई – सोन्याचे दागिने व रोख रक्कम चोरी करणा-या तिघांना भायखळा पोलीसांनी अटक करून त्यांच्याकडून एकूण ४०,१८,८००/- रु. चा मुद्देमाल हस्तगत केला. १) हुसेन जुर्जर पत्रावाला २) हुसेन मुर्तझा बॉम्बेवाला ३) अब्बास आदम अत्तारी अशी या तिघांची नावे आहेत.
याबाबत वृत्त असे आहे कि, फिर्यादी अब्दुलकादर शब्बीर गोधावाला यांनी त्यांच्या घरामध्ये ठेवलेले ४,०५०००/ रु.चे सोन्याचे दागिने व रोख रक्कम १०,००,०००/ रु. अशी एकूण १४,०५,०००/ रु. किंमतीची मालमत्ता कोणीतरी अज्ञात चोरटयाने चोरी केली असल्याबाबत दिलेल्या तक्रारीवरून भायखळा पोलीस ठाण्यात गुन्हा दाखल करण्यात आला होता.
तसेच तपासा दरम्यान फिर्यादी यांनी माहे फेब्रुवारी २०२२ ते माहे सप्टेंबर २०२२ या कालावधी दरम्यान सुध्दा त्यांचे घरातील किंमती दागिने गायब झाले असल्याचे सांगून त्यांचे घरातील वातावरण धार्मिक असल्याने सदरचे दागिने काल्पनिक जीन त्यांचे घरातून गायब करीत असलेबाबत सांगीतल्याने त्यांनी त्यावर विश्वास ठेवून नमूद प्रकरणी पोलीस ठाणेस तकार दिलेली नव्हती. परंतू पुन्हा दहा लाख रुपये व सोने अशी जास्त मालमत्ता चोरी झाल्याने ते पोलीस ठाणेस तक्रार देण्याकरीता आले. फिर्यादी यांनी त्यांचे घरातून माहे फेब्रुवारी २०२२ ते माहे सप्टेंबर २०२२ च्या दरम्यान ५०१ ग्रॅम वजनाचे सोन्याचे दागिने व ५ ग्रॅम वजनाची चांदी अशी एकूण किं.अं.रु. २६,१३,८००/- इतक्या रकमेच्या किंमती मालमत्तेची चोरी झाल्याचे सांगीतले. अशा प्रकारे फिर्यादी यांनी दिलेल्या तक्ररीवरुन त्यांच्या घरातून माहे फेब्रुवारी २०२२ ते माहे सप्टेंबर २०२२ च्या दरम्यान एकूण ४०,१८,८००/- रु. किंमतीचा मुद्देमाल चोरीस गेल्याची तक्रार दिली.
सदर गुन्ह्याच्या अनुषंगाने पोलिसांनी तपास करून मिळालेल्या माहितीच्या आधारे सुरत, राज्य गुजरात येथून सदर तिघांना अटक करून गुन्हयातील ५५२ ग्रॅम वजनाचे सोने व १०,००,०००/ रु. रोख रक्कम अशी एकूण ४०,१८,८००/ रु. चा १००% मुद्देमाल हस्तगत केला.
